Go nyama kgopolo
Dika tša gona
Ke mang yo a amegago
Nka hwetša kae thušo goba maele?
Naa go nyama monagano go ka thibelwa bjang, gona ke dire eng?
Ka ge go na le mehuta e mentši ya nyamo-moya, ga go kgonege go fa karabo e tee ye bonolo. Mehuteng ye mengwe ya nyamo-moya go na go bile le chemical imbalance ka bjokong, mola e le gore batho ba bangwe ba ka swarwa ke nyamo-moya ka lebaka la tlhalano goba go tshwenyega ka tša ditšhelete.
Nyamo-moya tše dintši di ka alafega - e ka ba ka go nwa dihlare goba ka go bona ditsebi tša kalafo ya menagano goba bobedi.
Gape, go na le dilo tše dintši tše di ka dirwago go thibela goba go fokotša nyamo-moya.
Tsebiša ba bangwe ka maikutlo a gago o se ke wa a bea pelong
Beakanya seo o ka se dirago letšatši ka letšatši, le maikemišetšo ao o ka a fihlelelago
Ithute mekgwa ya go itapološa o be o leke go e diragatša
Tlogela diokobatši le madila
Tšea karolo dihlopheng tša thušo le batho ba ba nago goba ba kwešišago bothata bja gago
Dika tša gona
Batho ba ba nyamilego moyeng ba ikwa ba nolegile moko ebile moya wa bona o le fase. Ba lahlegelwa ke tumo mo dilong tše dingwe gape ga ba bontšhe kgahlego ye e feleletšego mo go seo ba se dirago. Gantši ba na le bothata bja go ja le go robala. Ba bangwe ba nagana go ipolaya ebile ba ka leka go dira bjalo.
Mo mohuteng o tee wa nyamo-moya (bi-polar depression) maikutlo a fase a kgona go fetogela go a godimo, a mafolofolo goba maitshwaro a segafi. Motho wa gona a ka dira dilo tše di makatšago ka nako tše bjalo, go swana le go šomiša tšhelete bošaedi, go bolela goba go bina mo go hlokago lebaka.
Nka hwetša kae thušo goba maele?
Ke mang yo a amegago
Nyamo-moya e bonagala kudu mo bathong ba bagolo eupša le go bana e kgona go bonagala. Baswa le bona ba na le kgonagalo ye kgolo ya go ka swarwa ke bolwetši bja nyamo-moya, go no swana le batšofadi. Bomme ba bangwe ba nyama-moya kudu ka morago ga pelego.
